Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 518 Hüküm no: 613 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kigork v. Artin’in üzüm ücreti olan parayı Ali b. Ahmed’e ödemesi Manav tâifesinden Ali b. Ahmed nâm kimesne Davudpaşa Mahkemesi’nde meclis-i şer‘de Kigork v. Artin nâm zimmî muvâcehesinde bundan akdem merkūm Kigork zimmî beher kıyyesi beşer buçuk paraya olmak üzere yedimden iştirâ ve kabz eylediği cem‘an yetmiş beş kıyye İzmir siyâhî üzüm semeninden on guruş on iki para alacak hakkım olmağla hâlâ taleb ederim deyü ba‘de’d-da‘vâ ve’l-istintâk ol dahi cevâbında ber-vech-i muharrer ikrâr lâkin meblağ-ı mezbûru gāib ani’l-meclis Vartan v. Hüdaverdi nâm zimmî yediyle kendüye edâ ve teslîm etmiş idim deyü eylediği def‘ini isbâtdan âciz olup talebiyle mezbûr Ali ba‘de’t-tahlîfi’ş-şer‘î mûcebiyle meblağ-ı mezbûr on guruş on iki buçuk parayı müdde‘î-i mezbûr Ali’ye edâ ve teslîme mezbûr Kigork zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 16 Zilhicce sene 1196