Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 314 Hüküm no: 264 Orijinal metin no: [82b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime Hatun bt. İskender’in vakfiyesi Mâ-zübire fîhi min-asli’l-mâli ve şürûtihî ve zavâbitihî ve kuyûdihî vaddaha küllühû ledeyye ve sahha beyne yedeyye ve innî hakemtü bi-sıhhatihî ve lüzûmihî fî husûsihî ve umûmihî âlimen bi’l-hilâfi’l-cârî beyne’l-eimmeti’l-eşrâf ve ene’l-fakīru ila’llâhi’l-meliki’l-kadîr el-vâkıfü alâ-mâ-fi’d-damîr Ali b. Mustafa el-müvellâ bi’l-mahkemeti’s-Sarâciye bi-medîneti Kostantıniyyeti’l-mahmiye -ufiye anhümâ- Elhamdülillâhi’llezî ce‘ale kulûbe’l-ebrâri yenâbî‘u’l-hayrâti ve va‘adehüm bi’l-mücâzâti yevme tübeddelü’l-ardu ve’s-semâvâtü ve’s-salâtü ve’s-selâmü alâ-Muhammedin ve alâ-âlihî ammâ ba‘d, işbu mazmûnunda vakıf ikrârından bahseden sahîh ve şer‘î bir hüccettir. Mahrûse-i Kostantıniyye mahallâtından Sekbanbaşı mahallesinde sâkine Rahime Hatun bt. İskender nâm hatun dünyâ-yı deniyyenin fâni, âhiretin ise bâkī olduğunu teemmül ettiğinde ahiret azığı tedârikini murâd edip, âti’z-zikr vakfına li-ecli’t-tescîl mütevellî nasbettiği fahrü’l-kuzât Halil Efendi b. Hızır ile ma‘an meclis-i şer‘-i şerîf-i şâmihü’l-imâd ve mahfil-i dîn-i münîf-i râsihü’l-evtâdda hâzıran olup şöyle ikrâr ve i‘tirâf eyledi ki, işbu ikrârın kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, dâhiliyesinde fevkāni ve tahtânî ikişer bâb hâneyi, mutfağı, zât-ı eşcârı müsmire ve gayri müsmire cüneyneyi, kenîfi, hâriciyesinde, altlarında saha olan fevkānî iki bâb hâneyi, kenîfi ve muhavvatayı müştemil, hudûdu bir tarafından Vezzân Sinan Bey mülkü, bir tarafından Kâtib Mehmed b. Mehmed mülkü, bir tarafından Seyyid Hasanü’l-Basrî mülkü, bir tarafından tarîk-ı hâs ile mahdûd bulunan cemî‘ menzilini cümle tevâbi‘i ve levâhıkı ve kâffe-i menâfi‘i ve merâfıkı ile niyet-i hâlise ve taviye-i vâfiye üzere habs ve vakfetti. Menzil-i mezbûrda süknâyı mâdâm ki hayâtda ola evvelâ nefs-i nefîsesine, ba‘de vefâtihâ İsmail b. Abdullah nâm kimseye ve zevcesi Râbia bt. Mustafa’ya, ba‘de vefâtihimâ zükûr ve inâsdan ale’s-seviyye ikisinin evlâdına, evlâd-ı evlâdına batnen ba‘de batnin ve neslen ba‘de neslin evlâd-ı evlâd-ı evlâdına şart etti. Ba‘de inkırâzihim Medîne-i münevvere -alâ-münevvirihâ efdalü’s-salavât- fukarâsına şart etti. Tebdîl ve tağyîri yedinde muhâfaza edip menzil-i mezkûru mütevellî-i mezbûra teslîm etti. O dahi tesellüm eyledi. Vâki‘ ikrâr mütevellî-yi merkūm tarafından bi’l-müvâcehe tasdîk edildi. Hâl bu minvâl üzere iken vâkıfe-i mezkûre menzil-i mezbûrun vakfiyyetinden rücû‘ etti. Fe-men beddelehû ba‘de mâ-semi‘ahû fe-innemâ ismühû ale’llezîne yübeddilûnehû innehû hüve’s-semî‘u’l-alîm ve ecrü’l-vâkıfe ale’l-hayyi’l-kerîm. Cerâ zâlike ve hurrire fi’l-yevmi’l-ışrîn min-Saferi’l-hayr li-sene semân ve ışrîn ve elf. Şühûdü’l-hâl: Sefer Bey b. ( ), es-Seyyid Hâşim b. el-imâm, Mustafa Halîfe b. ( ), Mehmed Halîfe b. ( ), Ahmed b. Nasûh, İsmail, İbrahim Bey b. ( ), es-Seyyid Basrî, Halil b. ( ), Hıızr b. Haydar, Halil b. Nasûh, Dilâver b. Abdullah, Mahmud b. Ömer, Usta Piyâle b. ( ), el-Hâc Ahmed b. ( ), Ali Bey b. Hüseyin, Ahmed b. Ali, Üveys b. Osman, Müyesser b. Veli, İbrahim b. Ali el-muhzır ve gayrühüm mine’l-hâzırîn