Evkaf-ı Hümâyûn Mahkemesi 673 Numaralı Sicil (H. 1300-1301 / M. 1883-1884) cilt: 100, sayfa: 61 Hüküm no: 22 Orijinal metin no: [12-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Haropsima’nın ölümüyle küçük çocuklarına intikal eden arsa hisselerinin satışına izin verilmesi Mehmed Necib, izin: 1 kıt‘a Numara: 137, 37 guruş Galata’ya muzâfe kasaba-i Beşiktaş’da Teşvikiye mahallesinde sâkine iken bundan akdem vefât eden Devlet-i Aliyye teba‘asının Ermeni milleti nisvânından Haropsima bt. Toros’un sadrî sagīr oğulları Serkiz ve Matos ile sadriye sagīre kızı Makrohi’nin babaları ve velîleri olup mu‘temedü’l-hâl idiği ihbâr olunan işbu râfi‘ü’s-sifr teba‘a-i merkūmenin millet-i merkūmesinden Sıvacı Ohannes v. Bedros m. bi’l-velâye takrîr-i kelâm edüp nezâret-i Evkāf-ı Hümâyûn’a mülhak evkāfdan merhûm Mehmed Ali Paşa Vakfı müstegallâtından kasaba-i mezbûrede Yeni mahallede Yıldız sokağında vâki‘ ma‘lûmü’l-hudûd şehriye seksen akçe icâre-i müeccelelü bir kıt‘a arsa müteveffât-ı merkūmenin sağlığında bâ-temessük-i mütevellî bi’l-icâreteyn taht-ı tasarrufunda olup ba‘de vefâtihâ sıgār-ı merkūmûn ile sadr-ı kebîr oğlu Bedros’a hasbe’l-âde irbâ‘an intikāl edüp lâkin vasiyye-i mezkûre bî-hâsıl ve etrâfını muhât taş duvarları münhedim olup enkāzı dahi mürûr-ı ezmine ile telef ve zâyi‘ olduğu zâhir ve bedîdâr olup ol-vechile bekāsı sıgār-ı merkūmûn haklarında muzır ve gayr-ı müfîd olmağla sıgār-ı merkūmûnun arsa-i mezkûrede olan hisse-i şâyi‘aları bedel-i misliyle bâ-re’y-i mütevellî âhara ferâğ ve bedeli ahz ü kabz birle i‘mâl ve istirbâh olunup hâsıl olan nemâsıyla ma‘an hıfz olunmak sıgār-ı merkūmûn haklarında vücûhla enfa‘ ve evlâ olduğuna binâen işbu yedimde olup hâlâ Galata kādısı fazîletlü es-Seyyid Ahmed Bahâî Efendi hazretleriyle Dördüncü Dâire-i Belediye taraflarından i‘tâ olunan memhûr bir kıt‘a tahmîn-i bedel pusulası mantûkunca sıgār-ı merkūmûnun arsa-i mezkûrda olan üç rub‘ hisse-i şâyi‘a-i mezkûrları bundan akdem lede’l-müzâyede ve ba‘de’l-keşf el-yevm bedel-i misli idiği bi’l-ihbâr zâhir olan lira-yı Osmânî yüz guruş hesâbıyla iki bin dört yüz guruş mukābelesinde âhara ferâğa izin taleb şüd. Fî 19 Şevvâl sene [1]300 Şühûd[ü’l-hâl]: Mehmed Ağa b. Mustafa, Ahmed Ağa b. Salih ve gayruhum.