Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 60 Hüküm no: 60 Orijinal metin no: [21-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Bey’in Rus asıllı câriyesini tedbîr yoluyla azat ettiği Mevlânâ Mehmed Efendi b. Mahmud ve imâm Cafer Halîfe b. Pîr Mehmed, emîn-i mezbûr mahzarında, Fâtıma bt. Abdullah’dan sâdır olan da‘vâda şöyle şehâdet ettiler ki muhallefâtı emîn-i mezbûr eliyle zabt edilen müteveffâ Hüseyin Bey, hâl-i hayâtında ve kemâl-i sıhhatinde, müddeiyye-i mezbûre Rûsiyyetü’l-asl, uzun boylu, elâ gözlü, beyaz tenli Fâtıma bt. Abdullah nâm câriye-i memlûkesini, mevtimden kırk gün mukaddem benden hürsün diyerek tedbîr-i mukayyed ile âzâd ve tahrîr eyledi. O ölüp Rabbine kavuşdu ve müddet-i mezbûre geçdi. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Cerâ zâlike ve hurrire fî evâsıtı Recebi’l-mürecceb sene 985. Şuhûdü’l-hâl: el-Mezbûrûn