Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 71 Hüküm no: 89 Orijinal metin no: [30-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Reis b. Ramazan’ın Frenk asıllı kölesini vasiyet yoluyla azat ettiği Müezzin Mehmed b. Kasım ve İmâm Ömer b. Bereket, Galata ve Havâss-ı mahmiye-i Kostantıniyye’de vâki‘ beytülmâl-i hâs emîni fahrü’l-emâsil ve’l-akrân Mustafa Çelebi b. Yusuf mahzarında Memi b. Abdullah’dan sâdır olan da‘vâ-yı şer‘iyyede gıbbe’l-istişhâd şöyle şehâdet ettiler ki, bundan akdem Sakabaşı mahallesinde vefât eden Oldurucu? Mehmed deyû meşhûr Mehmed Reis b. Ramazan, orta boylu, esmer, açık kaşlı, elâ gözlü, sol kaşında eser-i cerh olan Efrenciyyü’l-asl Memi b. Abdullah nâm abd-i memlûkünü hâl-i hayâtında ve kemâl-i sıhhatinde mevtimden kırk gün mukaddem benden hürsün diyerek tedbîr-i mukayyed ile âzâd ve tahrîr etti. Müddet-i mezbûre geçdi, mevlâ-yı mezbûra ecel erişip Rabbine kavuşdu. Abd-i mezbûr bu sûretle sâir ahrâr-ı asliyyîn gibi hür oldu. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Cerâ zâlike ve hurrire fi’t-târihi’l-mezbûr. Şuhûdü’l-hâl: el-Mezbûrûn