Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 95 Hüküm no: 142 Orijinal metin no: [46-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamamcı Keyvan’ın Yakub Ağa Vakfı’na, hamam kirasından borcu olduğu Yakub Ağa vakfı’na mütevellî olan Behram b. Abdullah nâm kimesne meclis-i şer‘a merhûm Hammâmî Keyvan’ın zevcesi Hümâ bt. Mahmud nâm hâtunu ihzâr ve takrîr-i da‘vâ edip bundan akdem mezkûr Keyvan, vakf-ı mezbûrun bir hamamını icâreye tutup, işlemiş icâreden zimmetinde üç bin üç yüz kırk bir akçe bâkī kalıp hâl-i sıhhatinde ve maraz-ı mevtinde ikrâr etmişdir muhallefâtından taleb ederim deyip mezbûre Hümâ’ya suâl olundukda inkâr ile cevâb verip mezkûr Behram’dan sıdk-ı makāli üzerine beyyine taleb olundukda udûl-i müslimînden Yusuf b. Abdullah ve Davud b. Abdullah ve Bahşi b. Abdullah nâm kimesneler mezbûr Behram’ın takrîrine muvâfık edâ-i şehâdet-i şer‘iyye ettiklerinde hayyiz-i kabûlde vâki‘ olup ve mûcebiyle hükm olunup bu vesîka ketb olundu. Şuhûdü’l-hâl: Hızır b. Kasım el-Müezzin, Receb b. Ramazan, Fethullah b. Ramazan ve Mustafa b. Yusuf el-Muhzır ve gayruhüm