Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 97 Hüküm no: 149 Orijinal metin no: [48-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abaza asıllı kölenin azat edildiği İşbu ak benizli, orta boylu, çatık kaşlı, elâ gözlü, burnunda çiçek bozuğu ve başında ve burnunda bir mikdâr eğrilik var Abazaviyyü’l-asl Rıdvan b. Abdullah nâm gulâm meclis-i şer‘a mevlâsı merhûm Abdullah’ın eytâmına vasiyy-i muhtâr olan Pîrî Çavuş’un vekîl-i şer‘îsi olan Mahmud Çelebi b. Mehmed merhûm-ı mezbûrun zevce[si] Cemile bt. Sefer tarafından vekîl-i şer‘îsi olan Ömer b. Sefer’i ihzâr ve mahzarlarınd[a] takrîr-i da‘vâ edip bundan akdem mevlâm mezkûr Abdullah beni malından âzâd edip ve mülkünden reddeylemişdir şer‘le tahliyye-i sebîl taleb ederim dedikde mezkûrân Mahmud Çelebi’ye ve Ömer Çelebi’ye suâl olundukda inkâr ile cevâb verdiklerinde mezbûr Rıdvan’dan sıdk-ı makāli üzerine beyyine taleb olundukda udûl-i müslimînden el-Hâc Ahmed b. Mustafa ve el-Hâc Ferhad b. Abdullah nâm kimesneler da‘vâsına mutâbık edâ-i şehâdet ettiklerinde şehâdetleri hayyiz-i kabûlde vâki‘ [olup] hürriyetine hükm olundukdan sonra temessük taleb etmeğin kayd-ı sicil olundu. Şuhûdü’l-hâl: El-Hâc Mehmed Çelebi ve Şâmî Mehmed Çelebi ve Bursevî Ramazan Çelebi ve Tarakçı-zâde Hamza Çelebi ve kâtibü’l-hurûf ve gayruhüm mine’l-hâzırîn