Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 105 Hüküm no: 173 Orijinal metin no: [54-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühan bt. Satılmış’ın terekesinin mirasçılar arasında taksîmi Sebeb-i tahrîr-i hurûf oldur ki bi kasabati hazret-i Ebî Eyyûb el-Ensârî aleyhi’r-rahmetü’l-Bârî mahallâtından Takyecibaşı mahallesi sâkinlerinden Mehmed b. Yusuf nâm kimesnenin zevc[es]i Ümmühan bt. Satılmış sene 985 Şa‘bânı’nın üçüncü günü vefât edip zevci olan mezbûr Mehmed cemî‘-i muhallefâtını sûk-ı sultânîde füruht edip ve kendi zimmetinde mehirde[n] bin beş yüz akçe-i Osmânî olup ve merkūme Ümmühan nâm hâtunun babası Satılmış nâm kimesneden irsle intikāl eden hâneyi tahmînen altı bin akçeye tutup cem‘an on bir bin üç yüz elli sekiz akçe-i Osmânî olup beyne’l-verese taksîmi için haber verildik[de] varılıp cemî‘-i harc-ı lâzımından sonra beyne’l-verese bu minvâl üz[re] kısmet olundu gaflet olunmaya sene 985. Cem‘an 11.358 Minhâ harc-ı lâzım beher yekûn? 693 El-Bâ[kī] ba‘de’l-harc beyne’l-verese 10.665 Nakidden hisse-i zevc 1.150 ve hâneden hisse 1.555 cem‘an 2.650 Nakidden hisse-i ibn 1.406 ve hâneden hisse 1.800 cem‘an 3.206 Nakidden hisse-i ibn-i diğer 1.406 ve hâneden hisse 1.800 cem‘an 3.206 Nakidden hisse-i bint 703 ve hisse-i hâ[ne] 900 cem‘an 1.603.