Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 108 Hüküm no: 178 Orijinal metin no: [56-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhterem Hatun bt. Hamza’nın, evini oğluna bey‘ bi’l-vefâ yoluyla sattığı Muhterem Hâtun bt. Hamza, oğlu Mustafa b. Kasım mahzarında ikrâr ve i‘tirâf edip hâric-i Galata’da Piyâle Paşa mahallesinde vâki‘ olup bir beyt-i süflî ve iki beyt-i ulvî ve bir sofayı ve bir kuyuyu ve cüneyneyi ve muhavvatayı müştemil olup bir cânibi Bıçakçı ( ) mülküne ve bir cânibi Turhan ( ) mülküne ve bir cânibi Kalafatçı mülküne ve bir cânibi tarîk-i âma müntehî olan mülk menzilimi işbu hâmilü’l-kitâb oğlum mezkûr Mustafa’ya olan sekiz bin beş yüz akçeye bey‘ bi’l-vefâ tarîkiyle bey‘ edip menzil-i mezkûrun semenini zimmetimde mezbûr Mustafa’ya olan sekiz bin beş yüz akçe deynime takās eyledim üç yıla dek meblağ-ı mesfûru edâ edersem menzil-i mezkûru yine bana vere dedikde mukırra-i merkūmeyi mezkûr Mustafa vicâhen tasdîk edip kayd olundu. Tahrîren fî evâhiri Safer sene 986. Şuhûdü’l-hâl: Mehmed b. Selamet el-İmâm, Musa b. Servet er-Reis, Sefer Reis b. Hamza, el-Hâc Memi b. İskender, el-Hâc Sefer ( ), Mustafa b. Ahmed, Cafer b. Abdullah, Memi b. Abdullah, el-Hâc İlyas b. Abdullah ve gayruhüm mine’l-hâzırîn