Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 65 Hüküm no: 49 Orijinal metin no: [8b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdi Bey’in İbrahim Çelebi’yi vasî tayin ettiği Mustafa Çelebi b. Hasan Bey, Cafer b. Mustafa ve Muharrem b. İlyas nâm kimesneler meclis-i şer‘a hâzırûn olup, âti’z-zikr müteveffânın husûs-ı âti’l-beyânı münkire olan Âfitâb Hâtun bt. Abdullah nâm zevcesi mahzarında, hâmil-i kitâb fahrü’l-a‘yân İbrahim Çelebi b. Hasan Kethüdâ’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, Ebâ Eyyûb-i Ensârî kasabası mahallâtından Câmi‘-i Kebîr mahallesinde fevt olan mezbûre hâtunun zevci Abdi Bey b. Abdullah, cemî‘ umûruna ve vasiyyetlerinin tenfîzine müdde‘î-i mezbûru vasiyy-i muhtâr ta‘yîn etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mû‘teber olmağın mûcebince hükm edildi. Cerâ zâlike ve hurrire fî evâhiri şehri Muharremi’l-harâm sene 987. Şuhûdü’l-hâl: Derviş Ali b. Kābil, Mehmed b. Ahmed el-Müezzin, Mehmed b. Mahmud el-Üsküdârî el-Müezzin, Sünbül b. Gazanfer el-Müezzin, Mehmed b. Hamza eş-şehîr bi Şeyh ve gayruhüm.