Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 89 Hüküm no: 86 Orijinal metin no: [20b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mehmed Reis b. Mehmed’in, Mehmed Efendi b. Şaban’daki alacağının yetimlerinin vasîsi ve nâzırı tarafından tahsil edildiği Mahmiye-i Galata sâkinlerinden Mehmed Reis b. Mehmed nâm müteveffânın eytâm-ı sıgārına bundan akdem kıbel-i şer‘den vasî nasb olunan Ömer b. Ali nâm kimesne meclis-i şer‘-i şerîfde işbu bâ‘iseyi’l-kitâb vasiyy-i mezbûr üzerine nâzır nasb olunan Mehmed b. Cafer ve Hacı Mehmed b. Ömer nâm kimesneler muvâcehelerinde takrîr-i kelâm ve ta‘bîr-i merâm edip merhûm-ı mezbûr hâl-i hayâtında hâlen Mağrib-i Trablus kadısı olan mefharü’l-emâsil ve’l-ekârim Mehmed Efendi b. Şaban karz-ı hasen iki yüz haçlı korina vermişidi meblağ-ı mezbûrun kabzına mezbûr nâzır ile merkūm Hacı Mehmed irsâl olunmuşidi her guruş seksen akçeye sarf olunmak üzerine onar bin akçelik guruş ki cümle yirmi bin akçe olur alıp kabz eyledim müteveffâ-yı merkūmun kadı-i mesfûr zimmetinden bir akçe ve bir habbe bâkī kalmadı deyû bi’l-muvâcehe tahkīk ve tasdîk olundukda mukırr-ı mezbûrun vech-i meşrûh üzre mukarrun lehüme’l-mesfûrân talebleriyle ketb ve imlâ olunup yed-i tâlibine vaz‘ ve def‘ olundu. Hurrire fî Cumâdelâhire sene 998. Şuhûdü’l-hâl: Mehmed b. Abdullah el-Hatîb-i bi câmi‘-i Rüstem Paşa, Hasan b. Abdullah, el-Hâc Osman b. Cafer, Abdülkerim b. Mustafa, Ahmed b. Abdullah, Elvan b. Mehmed …?, Hasan b. Abdullah, el-Hâc ( ).