Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 104 Hüküm no: 109 Orijinal metin no: [27b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Ahmed’in yetimlerine zâbit olan Abdi b. Mustafa’nın muhasebesinin teftîş edilip yetimlerin haklarının alınıp anneleri Kamer Hâtun bt. Abdullah ile büyük kardeş Mustafa b. Ahmed Reis’e verilmesi Mahmiye-i Galata’da fevt olup evlâd-ı zükûr ve inâsı terk eden Ahmed nâm reis-i sultânînin zevcât-ı metrûkesinden Kamer Hâtun bt. Abdullah meclis-i şer‘-i şerîfe mürâhık olup sinn-i bülûğa müsâ‘id olan Mustafa b. Ahmed Reis nâm sadrî oğlu ile hâzırân olup sagīre-i mezbûre ve sâir sagāyiri Mehmed ve Kerime’ye vasî olup hisse-i şer‘iyyelerin zâbit olan Abdi b. Mustafa nâm kimesneyi ihzâr ve takrîr-i kelâm edip mezbûr sagīrlerimin malın telef edip muhâsebesin vermediğinden gayrı hâlen mâl-ı sıgārı müşevveş ve muhayyel koyup sefere gitmek üzredir ber mûceb-i defter-i kassâm-ı askerî muhâsebesi görülüp uhdesine lâzım olan mâl tahsîl olunup mezbûre muhâsebesine şürû‘ olundukda kendi i‘tirâf üzre on sekiz bin akçe zimmetinde zuhûr edip müsâferet edip mevtim? olmadığı ecilden tahsîl taleb ettiklerinde edâsıyla ilzâm olunduğu bi’t-taleb kayd-ı sicil olundu. Tahrîren fî evâhiri Receb li sene semânîn ve tis‘în ve tis‘a mi’e. Şuhûdü’l-hâl: Mehmed Çelebi b. Murad el-İmâm, Seyyid Abdülhakim b. Şeyh Berat, Hasan b. Kasım, Ahmed b. Abdullah ve gayruhüm.