Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 105 Hüküm no: 112 Orijinal metin no: [28a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Reis’in kölesini azat ettiği Fahrü’l-a‘yân kapudân Ahmed Reis b. Abdülmennân kıbelinden âti’z-zikr âzâd ve tahrîr ikrârına vekâleti Mustafa b. Abdullah ve el-Hâc Şaban b. Murad’ın şehâdetleri ile sâbit olan Reis-i sultânî Sinan Reis b. Abdullah meclis-i şer‘-i şerîfe hâzır olup, müvekkil-i mezbûrunun Efrenciyyü’l-asl, orta boylu, koyun gözlü, sağ omzunun arkasında eser-i cerh bulunan, dişleri çekilmiş bâ‘is-i hâze’l-kitâb Pertolomira v. Yavamerto nâm abd-i memlûkünü âzâd ve tahrîr ettiğini bi’l-vekâle ikrâr etti. Vâki‘ ikrâr, abd-i merkūm tarafından bi’l-muvâcehe tasdîk edildi. Abd-i mezkûr bu sûretle sâir ahrâr-ı asliyyîn-i mükellefîn gibi hür oldu. Tahrîren fî evâhiri Receb sene semâne ve tis‘în ve tis‘a mi’e. Şuhûdü’l-hâl: es-Sâbikūn