Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 112 Hüküm no: 122 Orijinal metin no: [31a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Reis’in, ölen Mahmud Bey’deki buğday bahasından olan alacağını talep ettiği Mustafa Reis nâm kimesne bundan akdem Beşiktaş sâkinlerinden olup fevt olan Mahmud Bey’in Mehmed ve Ahmed nâm sıgārlarına vasiyy-i muhtâr olan Mustafa Bey nâm kimesneyi meclis-i şer‘-i şerîfe ihzâr edip muvâcehesinde takrîr-i da‘vâ edip müteveffâ-yı mezbûrun zimmetinde buğday bahâsından on iki bin akçe hakkım vardır taleb ederim suâl olunsun dedikde vasiyy-i mezbûr inkâr ile cevâb vericek müdde‘î-i mezkûrun da‘vâsına mutâbık beyyine taleb olundukda udûl-i müslimînden Mahmud Bey b. Abdullah ve Ahmed b. Abdullah nâm kimesneler li ecli’ş-şehâde hâzırân olup edâ-i şehâdet-i şer‘iyye kıldıklarında şehâdetleri hayyiz-i kabûlde vâki‘ oldukda mezbûr Mustafa Reis istîfâ etmediğine tahlîf olundukda yemîn eylemeğin mûcebiyle hükm olundu mâ hüve’l-vâki‘ kayd olundu. Şuhûdü’l-hâl: Kurd Bey b. Mahmud, Murad Bey b. Abdullah, Mustafa b. Ali, Hüsrev b. Abdullah, Hüseyin Bey b. Abdullah.