Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 115 Hüküm no: 129 Orijinal metin no: [33a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kurd Ali Çelebi Bey’in terekesi Defter oldur ki, Mahalle-i Kiremitlik’de merhûm Kurd Ali Çelebi Bey, Ahmed nâm yetîme kıbel-i şer‘de vasî olan Şaban Halîfe b. Receb’in hizmet-i vesâyetde tekâsül ve ihmâl vardır deyû yetîm-i mezbûr Ahmed’in vâlidesi Ümmü Gülsüm bt. Receb nâm hâtun inhâ edip muhâsebesi görülsün yerine ben vasiyye olurum oğlumdur merkūm Şaban Halîfe ecnebîdir dedikde ahâlî-i mahalleden istifsâr olundukda mezbûr yetîm vâlidesi mezbûre Ümmü Gülsüm olmak evlâdır dediklerinde merkūm Şaban azl olunup yerine işbu mezbûre hâtun vasiyye nasb olunup merkūm Şaban Halîfe’nin yediyle dokuz yüz doksan beş târihinden doksan sekiz târihine gelince zimem-i nâsda ondan olup akçe hesâbı dahi üzre olan meblağın muhâsebesin görülüp müfredâtıyla beyân olundu. Tahrîren fi’t-târihi’l-mezbûr. Asl-ı mâl 58.225 Der zimmet-i yahûdî Baroh asl-ı mâl 25.000 ribh beher sene 2500 Der zimmet-i şekerci Ali asl-ı mâl 15.000 ribh beher sene 1500 Der zimmet-i Rıdvan Bey asl-ı mâl 2000 ribh beher sene 200 Der zimmet-i Turhan Bey Bostancı Asıl 1000 ribh beher sene 100 Der zimmet Şahhuban Hâtun asl-ı mâl 1500 ribh beher sene 150 Der zimmet-i Mustafa Efendi el-Mülâzım asl-ı mâl 1000 ribh beher sene 100 Der zimmet-i zevce el-müteveffâ el-mezbûr el-müsemmât Ümmü Gülsüm bt. Receb el-vasiyyetü’l-mezbûre asl-ı mâl 3400 Der zimmet-i Mehmed Efendi el-Mülâzım asl-ı mâl 600 ribh beher sene 60 Minhâ der zimmet-i mütevellî Şaban Halîfe b. Receb asl-ı mâl 8225 Yekûn 61.095 [33b] Be cihet-i dükkân-ı fırın der mahalle-i Kiremitlik meblağ 31.000 Cem‘an 92.095 Minhâ defter-i ferâgat yedi vasî es-sâbık el-med‘uv Şaban Halîfe Üç senede nafaka yetîm-i mezbûr meblağ 7920 An kesr-i hırdavât 305 El-Bâkī sah 83.870 Minhâ hücec ve sicillât ve sûret-i defter ve muhâsebe ve kâtibiyye ve kassâmiyye ve ihzâriyye an yedi vasiyye el-mezbûre Yekûn 978 El-Bâkī sah 82.892