Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 132 Hüküm no: 159 Orijinal metin no: [39b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Hızır b. Abdülkadir’in, ölmeden kırk gün önce cariyesi Çeşmisiyah’ı azat ettiği Mahmiye-i Galata hâricinden Firûz Ağa mahallesinde fevt olan Hızır b. Abdülkādir? işbu hâmilü’l-kitâb orta boylu, kara gözlü, sağ gözü mecrûh, Kıbrısiyyü’l-asl Çeşmisiyah nâm câriye mahfil-i kazâda müteveffâ-yı mezbûru vasiyy-i muhtâr olan Mehmed Bey b. Karagöz Hasan muvâcehesinde takrîr-i merâm eyleyip müteveffâ-yı mezbûr efendim ölmezden kırk gün evvel beni âzâd eylemişdir hâlen fevt olmağla i‘tâknâmem taleb eylerim dedikde gıbbe’s-suâl ve akībe’l-istişhâd udûl-i müslimînden Mehmed Halîfe b. Bereket ve Mustafa b. İsmail nâm kimesne meclis-i şer‘a li ecli’ş-şehâde hâzırân olup fi’l-vâki‘ müteveffâ-yı merkūm kırk gün evvel câriye-i merkūmeyi âzâd eylemişdir biz dahi şehâdet eyleriz deyû edâ-i şehâdet-i şer‘iyye eylediklerinden sonra mezbûre Çeşmisiyah’ın ıtkına hükm olunup mâ vaka‘a kayd-ı sicil olundu. Tahrîren fî evâhiri Ramazâni’l-mübârek li sene 998. Şuhûdü’l-hâl: Muharrem Çelebi b. Hayreddin, Yusuf b. Abdullah, Yakub b. Abdullah, Ahmed b. Abdullah.