Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 135 Hüküm no: 166 Orijinal metin no: [41a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Bayram b. Ahmed’in kilim bedelinden İbrahim’de alacağı olduğu Mehmed b. Abdullah ve Ahmed b. İbrahim nâm kimesneler meclis-i şer‘-i şerîfe hâzırân olup, mahmiye-i Galata mahallâtından Câmi‘-i Kebîr mahallesinde sâkin iken bundan akdem fevt olan İbrahim nâm kimesnenin Fâtıma nâm sagīre kızına vasiyy-i muhtâr olan Mehmed Çelebi b. Mehmed mahzarında, hâmil-i hâze’l-kitâb el-Hâc Bayram b. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i merkūmun müteveffâ-yı mezkûrun zimmetinde kilim bahâsından râyicü’l-vakt iki bin dört yüz akçe hakkı vardır. Müdde‘î-i mezbûra meblağ-ı merkūmu bi vechin mine’l-vücûh ve sebebin mine’l-esbâb kısmen veya tamâmen ahz ü kabz etmediğine ve zimmetini ibrâ etmediğine yemîn verilmesinden ve şâhidlerinin şehâdetlerinin ba‘de ri‘âyeti şerâiti’l-kabûl inde’ş-şer‘ makbûl ve mû‘teber olmasından sonra hâkim-i muvakki‘ şehâdetleri mûcebince hükm etti. Cerâ zâlike ve hurrire fî [evâili] Zilka‘de sene 998. Şuhûdü’l-hâl: Hüsrev b. Abdullah, Mehmed b. Mustafa, Mustafa b. Ali, Ali b. Ahmed.