Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 143 Hüküm no: 185 Orijinal metin no: [44a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Bey b. Abdullah’ın kızı Fâtıma’ya vasî olan Mehmed b. Mehmed’in, Fâtıma’nın borç ve nafakası için Hasan adlı köleyi sattığı Mahmiye-i Galata mahallâtından Câmi‘-i Kebîr mahallesi sâkinlerinden olup fevt olan hekîm İbrahim Bey b. Abdullah’ın sulbiye kızı Fâtıma’ya vasiyy-i muhtâr olan Mehmed b. Mehmed nâm kimesne mahfil-i kazâya işbu hâmilü’l-kitâb Sefer Kethüdâ b. Abdullah nâm kimesne muvâcehesinde ikrâr ve i‘tirâf eyleyip müteveffâ-yı mesfûrun orta boylu, açık kaşlı, kara gözlü, kara yağız, Megriliyyül-asl Hasan nâm kulu sûk-ı sultânîde bey‘-i men yezîd olup sekiz bin akçeye merkūm Sefer Kethüdâ üzerinde karâr edip ziyâde eden âhar tâlib ve râgıb olmayıp zarûret-i deyn ve zarûret-i nafaka için meblağ-ı merkūm sekiz bin akçeye bey‘ olup kabz-ı semen ve teslîm-i mebî‘ eyledim dedikde mukırr-ı merkūm vasînin vech-i meşrûh üzre olan ikrârın mukarrun lehü’l-merkūm Sefer Kethüdâ tasdîk ve kabûl edip zikr olunan kulu meblağ-ı merkūma iştirâ eyledim dedikde vâki‘ hâl gıbbe’t-taleb ve’s-suâl ketb ve imlâ olunup yedi tâlibe vaz‘ olundu lede’l-hâce müzekkir-i mâ cerâ ola. Tahrîren fî evâhiri Zilka‘de sene 998. Şuhûdü’l-hâl: Musli b. Ali, Hüsrev b. Abdullah, Mehmed b. Mustafa ve gayruhüm.