Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 144 Hüküm no: 187 Orijinal metin no: [44b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zâhide bt. Abdullah’ın ölen kocası üzerindeki mehir alacağı Şaban b. Mehmed ve Mehmed b. Ali meclis-i şer‘-i şerîfe hâzırân olup, mahmiye-i Galata’da vâki‘ Beytülmâl-i hâssın emîni Musa Çavuş b. Kaya mahzarında ve mahmiye-i mezbûre mahallâtından Yolcuoğlu mahallesinde bundan akdem fevt olan merhûm Hayreddin b. Abdullah’ın vasiyyetlerinin tenfîzine vasiyy-i muhtâr olan Perviz Bey b. Abdülmennân mahzarında, müteveffâ-yı mezbûrun zevcesi Zâhide bt. Abdullah nâm hâtunun vekîl-i şer‘îsi olan hâmil-i hâze’l-kitâb Cafer b. Hayreddin’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müdde‘iyye-i mezbûrenin, müteveffâ-yı mezbûrun zimmetinde mehr-i müeccelinden râyicü’l-vakt on iki bin akçe hakkı vardır. Müdde‘iyye-i merkūmeye meblağ-ı merkūmu bi vechin mine’l-vücûh ve sebebin mine’l-esbâb almadığına, zimmetini ibrâ etmediğine ve borcu iskāt etmediğine dâir yemîn verilmesinden ve şâhidlerin şehâdetlerinin ba‘de ri‘âyeti şerâiti’l-kabûl inde’ş-şer‘ makbûl ve mû‘teber olmasından sonra mûcebince hükm edildi. Cerâ zâlike ve hurrire fî evâsıtı Şevvâli’l-mu‘azzam sene 998. Şuhûdü’l-hâl: Ahmed b. Resul, İbrahim b. Mustafa, Zeytun? b. Hüseyin, Ali b. Memi.