Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 146 Hüküm no: 190 Orijinal metin no: [45b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman b. Ali’nin, ölen Sabur Hâtun bt. Ahmed’in usûbet-i nesebiye cihetinden vârisi olduğu Vech-i tahrîr-i sicil budur ki Hâric-i Galata’da Hacı Memi mahallesinde vefât eden Sabur Hâtun bt. Ahmed’in ceddinin oğlunun oğlu olup usûbet-i nesebiyye cihetinden vârisi olup nakl-i şehâdet ile isbât-ı verâset eden Osman b. Ali meclis-i şer‘-i şerîfe işbu bâ‘isü’s-sicil Halil Reis b. Hızır ile hâzırân olduklarında takrîr-i kelâm edip bundan akdem mûrisem müteveffât-ı mezbûre fevt oldukda muhallefâtın emîn-i beytülmâl kabz edip mezbûr Halil Reis zevi’l-erhâm tarafından vâris olmağla isbât-ı verâset eyleyip muhallefâtından bir mikdâr mâl kabz eylemişidi hâlen ben mezbûrdan mukaddem vâris olduğum isbât eyleyip muhallefâtı cemî‘an buna hükm olundukda mâbeynimize muslihûn tavassut eyleyip cemî‘ muhallefât-ı makbûzasın kalîl ve kesîr bin beş yüz akçeye sulh eylediklerinde ben dahi meblağ-ı mezbûr bedel-i sulhu alıp kabz edip zimmet-i mûrisemin mîrâsına müte‘allik da‘vâdan umûmen ibrâ ettim min ba‘d benden veyâhud vekîlimden husûs-ı mezbûra müte‘allik mezbûr Halil Reis ile da‘vâ sâdıra olursa lede’l-hükkâmi’l-kirâm mesmû‘a olmaya deyicek gıbbe’t-tasdîk kaziyye bi’t-taleb kayd-ı sicil olundu. Şuhûdü’l-hâl: Hacı Nasuh b. Ramazan, Pîrî b. Hasan, Hacı Mehmed b. Hüseyin, Hacı Mustafa b. Hasan, Mehmed b. Murad el-İmâm.