Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 153 Hüküm no: 201 Orijinal metin no: [49a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Murad b. Abdullah’ın hür olduğu Sinan Paşa câmi‘i imâmı mefharü’l-eimme Nebi Halîfe ve Memi Reis b. Abdullah meclis-i şer‘-i şerîfe hâzırân olup babası bundan akdem fevt olan Mustafa b. Kubaz nâm kimesne mahzarında, hâmil-i hâze’l-kitâb Murad b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı mezbûr, hâl-i hayâtı ve kemâl-i sıhhatinde müdde‘î-i merkūmu âzâd ve tahrîr etmişdi. Şehâdetleri ba‘de ri‘âyeti şerâiti’l-kabûl ve ba‘de’t-ta‘dîl ve’t-tezkiyye inde’ş-şer‘ makbûl ve mû‘teber olmağın mûcebince hükm edildi. Cerâ zâlike ve hurrire fî evâsıtı Rebî‘ilevvel sene semânîn ve tis‘în ve tis‘a mi’e. Şuhûdü’l-hâl: Ahmed b. Abdullah, Şaban b. Abdullah, Hüseyin b. Abdullah, Mehmed Reis b. Abdullah ve gayruhüm.