Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 156 Hüküm no: 211 Orijinal metin no: [50b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Abdullah’tan, karısı Letâfet bt. Abdullah ile oğullarına kalan miras hisselerine, Mehmed b. Mahmud’un müdahalesinin engellenmesi (Noksan hüccet) Oldur ki Kasımpaşa mahallâtından Kulaksız mahallesi sâkinlerinden işbu râfi‘atü’l-kitâb Letâfet bt. Abdullah nâm kimesneyi Mehmed b. Mahmud nâm kimesne meclis-i şer‘-i şerîfe ihzâr eyledikde takrîr-i kelâm edip bundan akdem mezbûre Letâfet’in zevci olup fevt olan Mahmud b. Abdullah fevt oldukda Mehmed ve Mustafa nâm oğulların ve zevcesi mezbûreyi terk eyleyip ba‘dehû mezbûrân Mehmed ve Mustafa vefât edip vâlideleri mezbûre Letâfet’e sülüs hisse değip bir rub‘u asabenin olup ben mezbûrların ibn-i âmları iken merkūme Letâfet farz ve redle cümle malların kabz edip bana hissemi vermede ta‘allül eder taleb ederim deyicek gıbbe’s-suâl mezbûre Letâfet mezbûr Mehmed’in vâlidi Mahmud merkūm Mahmud müteveffâ ile iken karındaşı oğulları olduğun inkâr edip oğullarım intikāl edeli on beş yıla karîbdir nice def‘a hükkâma mürâfa‘a olduğumuzda ikāmet-i şuhûddan âciz olup şuhûdu meclis-i şer‘de tarh olunmuşdur deyicek müdde‘î-i mezbûr istişhâd olundukda dârü’l-harbden çıkıp müslüman olmuş kimesnelerden Şaban b. Abdullah ve Cafer b. Abdullah li ecli’ş-şehâde hâzırân olup biz dârü’l-harbden mezbûrân Mahmudların şeylerin biliriz deyicek şehâdete tesaddî edip vâlidleri ( ).