Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 158 Hüküm no: 215 Orijinal metin no: [51b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Yeniçeri b. Abdullah’ın, ölen Nikola v. Deçkar’daki alacağını beytülmal emininden talep ettiği Hâric-i Galata’da karye-i Litroz’da fevt olan Nikola v. Deçkar [nâm] zimmînin dâyinlerinden Osman Yeniçeri b. Abdullah mahfil-i kazâda müteveffâ-yı mezbûrun muhallefâtına vâzı‘ü’l-yed olan beytülmâl emîni Musa Çavuş b. Kaya’nın muvâcehesinde takrîr-i da‘vâ eyleyip müteveffâ-yı mezbûr zimmînin zimmetinde on bir bin beş yüz akçe hakkım vardır hâlen muhallefâtından taleb eylerim dedikde gıbbe’s-suâl ve’l-inkâr ve’l-istişhâd udûlden Hüseyin b. Abdullah er-Râcil ve Mustafa b. Abdullah er-Râcil nâm kimesneler meclis-i şer‘a li ecli’ş-şehâde hâzırân olup fi’l-vâki‘ müteveffânın mezbûr Osman Yeniçeri’ye on bir bin beş yüz akçe deynim vardır deyû ağzı ikrârına şâhidleriz şehâdet dahi eyleriz deyû edâ-i şehâdet-i şer‘iyye eyleyip ba‘de’t-ta‘dîl ve’t-tezkiyye hayyiz-i kabûlde vâki‘ oldukdan sonra kayd-şüd. Fi’t-târihi’l-mezbûr. Şuhûdü’l-hâl: Mehmed b. Ahmed, Ali b. Kasım, Mustafa b. Mehmed, Hasan Reis b. Yusuf, Hayreddin b. Hızır.