Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 178 Hüküm no: 247 Orijinal metin no: [60a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban Çelebi’nin, vasiyetlerinin tenfîzine el-Hâc Mehmed’i vasî seçtiği Udûlden Hasan Efendi b. Mehmed el-Müderris ve Ahmed Halîfe b. Veli el-Müezzin nâm kimesneler meclis-i şer‘-i şerîf ve mahfil-i dîn-i münîfe hâzırân olup, Kasımpaşa mahallâtından el-Hâc Ferhad mahallesinde fevt olan Şaban Çelebi’nin zevcesi Havva Hâtun bt. Muhyiddin mahzarında, müteveffâ-yı merhûmun oğlu Mehmed nâm sagīrin vasiyy-i muhtârı olan hâmil-i hâze’l-kitâb el-Hâc Mehmed b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı mezbûr hâl-i hayâtı ve kemâl-i aklında sülüs-i cemî‘ malından yaptığı vücûh-i hayrât ve’l-hasenât ve eyyâm-ı mu‘tâdede it‘âm-ı fukarâya yaptığı vasiyyetlerinin tenfîzine kendisini vasiyy-i muhtâr seçdi. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mû‘teber olmağın mûcebince hükm edildi. Cerâ zâlike ve hurrire fî evâsıtı Muharremi’l-harâm sene 999. Şuhûdü’l-hâl: Yahya Çelebi b. Mehmed, Mehmed Çelebi b. Mustafa el-İmâm, Mehmed b. Mustafa, Memi b. Abdullah, Mustafa b. Ali, Mehmed Reis, Hüsrev b. Abdullah el-Muhzır, Ali b. Abdullah ve gayruhüm mine’l-hâzırîn.