Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 179 Hüküm no: 249 Orijinal metin no: [60a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tütüncü Ahmed Bey Vakfı’ndan borç alıp ölen Kara Ahmed Çelebi b. Hasan’ın vârislerinden borcun tahsil edildiği Merhûm ve mağfûrun-leh Tütüncü Ahmed Bey’in evkāfına bi’l-fi‘l mütevellî olan el-Hâc Hürrem b. Abdullah nâm kimesne bundan akdem Fındıklı mahallesinde fevt olan Kara Ahmed Çelebi b. Hasan’ın sülüs malına mütevellî olan Memi Reis b. Abdullah mahzarında ikrâr ve i‘tirâf eyleyip mütevellîsi olduğum evkāf-ı merkūmeden merkūm Kara Ahmed hâl-i hayâtında altı bin sekiz yüz doksan dört akçe alıp merkūm Kara Ahmed fevt oldukda muhallefâtından meblağ-ı merkūmu şuhûd-ı udûl ile isbât eyleyip yedime hüccet-i şer‘iyye aldıkdan sonra muhallefâtından meblağ-ı merkūm kaleme alınıp ve dört bin beş yüz akçesin aldım bâkī iki bin üç yüz akçe kalmışidi anı dahi müteveffânın oğlu Mehmed Bey yedinden alıp kabz eyledim dedikde ikrârı tahrîr şüd. Tahrîren fî evâili Muharremi’l-harâm ( ). Şuhûdü’l-hâl: Hamza Efendi, Haydar b. Abdullah, Abdullah b. Mürsel, Mustafa b. Ali, Mehmed b. Mustafa.