Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 185 Hüküm no: 260 Orijinal metin no: [62b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bağdad Hâtun bt. Süleyman’ın terekesi Mahmiye-i Galata mahallâtından Câmi‘-i Kebîr mahallesi sâkinelerinden olup müteveffât olan Bağdad Hâtun bt. Süleyman’ın li eb ve üm karındaşı olan Davud’un sulbiye kızı Cemile Hâtun meclis-i şer‘de müteveffât-ı mezbûrenin muhallefâtına vâzı‘ü’l-yed olan Musa Çavuş b. Kaya ve kâtibi Ali Çelebi b. Mustafa mahzarlarında takrîr-i da‘vâ eyleyip müteveffât-ı mezbûrenin verâseti bana münhasıradır bi hasebi’ş-şer‘i’ş-şerîf muhallefâtını taleb eylerim dedikde gıbbe’s-suâl ve’l-inkâr ve’l-istişhâd udûlden Bilâl b. Abdullah ve Süleyman b. Abdullah ve Hüseyin Bey b. Abdullah ve İskender b. Abdullah ve Receb b. Abdullah nâm kimesneler li ecli’ş-şehâde hâzırûn olup fi’l-vâki‘ müteveffât-ı mezbûrenin karındaşı Davud’un kızıdır kırk yıldan beri bizim mahallemizde olup ma‘lûmumuzdur deyû şehâdet-i şer‘iyye eyledikden sonra mâ vaka‘a alâ vukū‘ihî ketb ve imlâ olunup yed-i tâlibe vaz‘ ve def‘ olundu ki lede’l-hâce müzekkir-i mâ cerâ ola. Tahrîren fî evâili Saferi’l-muzaffer sene 999. Şuhûdü’l-hâl: Yusuf b. Mahmud, Baba Zünnûn b. Hüseyin, Ali Çelebi b. Kasım, Ali b. Abdullah.