Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 186 Hüküm no: 262 Orijinal metin no: [63a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Zâhide bt. Mustafa’nın, evini yeğeni Mahmud b. Mehmed’e, azatlısı Müşerrefe ve beslemesi Hüseyin b. Mehmed’e vakf ettiği Bâ’is-i sicil oldur ki Galata mahallâtından Şehsuvar mahallesi sâkinlerinden fevt olan Zâhide bt. Mustafa’nın zevci Ali b. Hamza mahfil-i kazâda müteveffât-ı mezbûrenin kız karındaşı oğlu Mahmud b. Mehmed ve mu‘takası Müşerref nâm câriye ve beslemesi Hüseyin b. Mehmed nâm kimesne ile hâzırân olup bi’l-muvâcehe takrîr-i kelâm eyleyip müteveffât-ı mezbûrenin mahalle-i mezbûrede inde’l-ahâlî ma‘lûmetü’l-hudûd mülk menzilini maraz-ı mevtinde mezbûrân Mahmud ve Hüseyin ve mu‘takası Müşerref nâm câriyenin süknâsıyçin vakf eylemişdir maraz-ı mevtinde olan vakf-ı sülüsden mu‘teberdir sülüs dahi vefâ eylemediği ecilden menzil-i mezbûrun vakfiyyeti tutmazım bi hasebi’ş-şer‘i’ş-şerîf menzil-i merkūmdan bana âid hisse-i şer‘iyyemi taleb eylerim dedikde gıbbe’s-suâl mezbûr Mahmud cevâb verip dedi ki fi’l-vâki‘ müteveffât-ı mezbûre zikr olunan evini bana ve mezbûre Müşerref [63b] ve Hüseyin’e maraz-ı mevtinde vakf eylemişdir deyû ikrâr eylediklerinde müdde‘î-i mezbûr Ali mukırrûn-ı mezbûrûnun vech-i meşrûh ikrârlarını vicâhen tasdîk ve şifâhen tahkīk eylediklerinde mâ vaka‘a kayd şüd. Saferü’l-muzaffer sene 999. Şuhûdü’l-hâl: Mustafa b. Mehmed el-Kadı, Abdurrahman Çavuş [b.] Hüsrev, Mahmud b. Sadi, Cafer b. Abdullah, Musa b. İshak, Cafer b. Hızır.