Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 188 Hüküm no: 268 Orijinal metin no: [64b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Hüseyin b. Hasan’ın oğlu Hüseyin’in, akil bâliğ olması üzerine vasîsi Mahmud zimmetindeki para ve malları kendi uhdesine aldığı Bundan akdem mahmiye-i Galata hâricinden Kasımpaşa mahallesinde fevt olan Hüseyin b. Hasan sulbî oğlu Hüseyin mahfil-i kazâda vasîsi olan Mahmud mahzarında ikrâr ve i‘tirâf eyleyip babam müteveffâ-yı mezbûrdan bana intikāl eden hisse-i şer‘iyyem ile sekiz bin sekiz yüz akçe ve mahalle-i mezbûrede vâki‘ menzilinin icâresinden hâsıl olan üç bin iki yüz akçe cem‘an on iki bin akçe âkil ve bâliğ olduğum hasebiyle merkūm Mahmud’dan meblağ-ı merkūmu bi’t-tamâm ve’l-kemâl alıp kabz eyledim ba‘de’l-yevm meblağ-ı merkūma müte‘allik da‘vâ ve nizâ‘ sâdır olursa inde’l-hükkâm mesmû‘a ve makbûle olmaya dedikde ikrârı bi’t-taleb kayd şüd. Fi’t-târihi’l-mezbûr. Şuhûdü’l-hâl: Mehmed b. Ferhad, Musa b. İshak, Ahmed b. Ali, Ramazan b. Abdullah.