Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 218 Hüküm no: 323 Orijinal metin no: [76a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Mahmud b. Ahmed’in pereme yerini oğlu Mustafa Çelebi’ye hibe ettiği Mahmiye-i Galata mahallâtından Şehsuvar mahallesinde sâkin el-Hâc Mahmud b. Ahmed nâm kimesne meclis-i şer‘a işbu hâmilü’l-kitâb oğlu Mustafa Çelebi mahzarında ikrâr ve i‘tirâf edip dedi ki mahmiye-i mezbûre hâricinde tersâne kapısı kurbunda hendek ağzında vâki‘ hudûdunun bir tarafı Lütfi Kethüdâ mülküne ve bir tarafı Sefer Reis vakfı’na ve bir cânibi tarîk-i âma müntehî olan dört peremelik yeri oğlum merkūm Mustafa’ya hibe-i sahîha ile hibe eyledim deyû ikrâr ve i‘tirâf eyledikde merkūm Mustafa Çelebi de zikr olunan pereme yerini kabz eyledikde babası mukırr-ı merkūm Mehmed ber vech-i meşrûh üzre olan ikrârını vicâhen tasdîk ve şifâhen tahkīk edip mâ vaka‘a kayd olundu. Tahrîren fî evâili Cumâdelâhire sene tis‘a ve tis‘în ve tis‘a mi’e. Şuhûdü’l-hâl: Mehmed Çelebi b. Ali, Hasan b. Abdullah, Abdülkādir b. Hacı, Hacı Hasan b. İbrahim, Derviş b. Abdi ve gayruhüm.