Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 243 Hüküm no: 371 Orijinal metin no: [85b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kâmile Hâtun’un cariyesini vasiyet yoluyla azat ettiği Kâmile Hâtun bt. Abdullah nâm zevcesi kıbelinden âti’z-zikr tedbîr yoluyla âzâd ikrârına vekâleti Ahmed b. Şaban el-Müezzin ve Mustafa b. Murad er-Reis nâm kimesnelerin şehâdetleri ile sâbit olan Cafer Reis b. Abdullah meclis-i şer‘-i şerîfe hâzır olup müvekkile-i mezbûresi Kâmile Hâtun’un, kendisine rıkkını mu‘terife olan, esved, orta boylu, şakağında âdet-i Arab olduğu üzre eser-i cerh bulunan, kezâ burnunda eser-i cerh bulunan hâmiletü hâze’l-kitâb Nursabâ bt. Abdullah nâm câriye-i memlûkesini, maraz-ı mevtimden kırk gün mukaddem hür ol diyerek tedbîr-i mukayyed ile tedbîr eylediğini ikrâr ve i‘tirâf etti. Mevti hâlinde mezheb-i muhtâra tevfîkan câriye-i mezbûre sâir harâir-i asliyyât-ı mükellefât gibi hürre olacakdır. Vâki‘ ikrâr, câriye-i merkūme tarafından vicâhen ve şifâhen tasdîk edildi. Cerâ zâlike ve hurrire fî evâili Ramazâni’l-mübârek sene 999. Şuhûdü’l-hâl: Mustafa b. Mehmed er-Reis, fahrü’l-akrân Hüseyin Çavuş, fahrü’l-ümenâ Musa Çavuş b. Kaya ve gayruhüm mine’l-hâzırîn