Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 250 Hüküm no: 387 Orijinal metin no: [88b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hürrem b. Abdullah’ın vekil edildiği Mahmiye-i mahrûse-i İskenderiye’de fevt olan müteveffâ-yı merhûmun [Kasım Kethüdâ] [Fâtıma nâm] sagīre kızına vasiyye-i şer‘iyye olan Sâliha bt. Hayreddin ve mahmiye-i Beşiktaş’da sâkine olan müteveffâ-yı mezkûrun zevcesi Râziye bt. Hürrem, hâkim-i muvakki‘ huzûrunda meclis-i şer‘-i şerîf ve mahfil-i dîn-i münîfe hâzırân olup müteveffâ-yı mezkûrun zevcesinin babası olan Hürrem b. Abdullah’ı, Fâtıma ve Râziye’nin mîrâs hisselerinin kabzına, cemî‘ umûruna, bey‘ ve şirâya, istihlâs-ı hukūka ve ahzına, mezkûre Râziye’nin mehrini kabza ve kendisine îsâline, kuzât ve hükkâm-ı kirâm indinde mürâfa‘aya da‘vâ ve isbâta, ikāme-i beyyinâta, istimâ‘-ı da‘vâya, redd-i cevâba, tahlîfe ve vakt-i hâcetde tazmîne, hâkimden hüküm talebine ve işhâda “Re’yin îcâbı amel et ve azlden emîn olarak dilediğini yap” ma‘nâsında vekâlet-i mutlaka ile vekîl edip nefislerine nâib kıldılar. Müvekkiletân-ı mezbûretân, vekîl-i merkūmu kabz ve tasarrufda ve cemî‘ mâ zükirede müstakil kıldı. Hürrem b. Abdullah da vekâlet-i mezbûreyi kabûl edip hizmet-i lâzımesini edâyı müte‘ahhid oldu. Cerâ ve hurrire fî evâhiri şehri Şa‘bâni’l-mu‘azzam sene tis‘a ve tis‘în ve tis‘a mi’e. Şuhûdü’l-hâl: Rıdvan Bey b. Abdullah, Hacı Mustafa b. Abdullah, Hacı Mustafa b. Ali, Mustafa b. Ali, Mehmed Bey b. Arslan, İbrahim Çelebi b. Alâaddin.