Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 304 Hüküm no: 467 Orijinal metin no: [110b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râbia bt. Sefer Ağa adlı çocuğa vasî atandığı İşbu sahîh ve şer‘î bir hüccetdir ki hâkim-i müvellâ el-âlim el-hâkim el-muvakki‘ a‘lâhu el-mütevakki‘ rızâe mevlâhu, emânetle mevsûf ve hıyânetten emîn olduğu ecilden el-Hâc Hüseyin b. Abdullah nâm kimesneyi, hâric-i mahmiye-i Galata mahallâtından Tophâne mahallesinde bundan akdem fevt olan Sefer Ağa’nın ve yine mahalle-i mezkûrede fevt olan Servinaz bt. Abdullah nâm hâtunun Râbia nâm müşterek sagīre kızlarına, ana babasından intikāl eden emvâlini hıfzı ve zabt-ı ahvâli için ihtiyâcına binâen vasî nasb etti. Mezbûr el-Hâc Hüseyin de vesâyet-i mezbûreyi kabûl edip hizmet-i lâzımesini edâyı müte‘ahhid oldu. Cerâ zâlike ve hurrire fî evâili şehri Zilhicceti’l-mübâreke sene tis‘a ve tis‘în ve tis‘a mi’e. Şuhûdü’l-hâl: es-Sâbikūn