Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 308 Hüküm no: 472 Orijinal metin no: [112a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Evin Ahmed b. Abdullah’a satıldığı Mahmiye-i Galata müzâfâtından Tahta Kadı mahallesinde bundan akdem fevt olan Sâliha Hâtun bt. Hızır nâm annesinden sonra vefât eden merhûm Mustafa b. Nasuh’un muhallefâtına vâzı‘ü’l-yed olan fahrü’l-ümenâ’i’l-mu‘temedîn Musa Çavuş b. Kaya ve merhûme-i mezbûrenin zevci Piyâle Bey b. Abdullah meclis-i şer‘-i şerîfe hâzırân olup, muhallefât-ı mezbûre cümlesinden olup rub‘u, zevc-i mezbûr Piyâle’ye aid olan ve üç rub‘u da merhûmenin oğlu mezbûr Mustafa’ya aid iken adem-i zuhûr-ı vârisi cihetiyle Beytülmâl-i mezkûra intikāl eden, mahalle-i mezbûrede vâki‘, tahtânî iki beyti, fevkānî bir beyti, eşcâr-ı müsmire ve gayr-ı müsmireli bahçeyi, su kuyusunu ve helâyı müştemil olup cânibeynden Osman Çelebi mülkü, diğer tarafdan Mustafa b. Mehmed mülkü, diğer tarafdan da tarîk-i âm ve ( ) mülkü ile mahdûd bulunan menzili cümle hudûdu ve kâffe-i hukūku ile râyicü’l-vakt yirmi üç bin iki yüz akçe semen-i mu‘ayyen-i makbûz ile hâmil-i hâze’l-kitâb Ahmed b. Abdullah er-Râcil nâm kimesneye îcâb ve kabûlü hâvî bey‘-i bâtt-ı sahîh ile bey‘ ettiklerini ikrâr ve i‘tirâf ettiler. O da kendi malıyla ve kendisi için menzil-i merkūmu iştirâ etti. Vâki‘ ikrâr, müşterî-i mezbûr tarafından vicâhen ve şifâhen tasdîk edildi. İşbu mübâye‘a, menzil-i mezbûrun mehâfil-i râgıbîn ve mecâlis-i tâlibine arz olunup semenin meblağ-ı merkūmda tekarrür etmesinden sonra vâki‘ oldu. Cerâ zâlike ve hurrire fî evâili şehri Muharremi’l-harâm sene elf mine’l-hicreti’n-nebeviyye. Şuhûdü’l-hâl: Receb b. İsmail, üstâd Ali b. Mehmed, Mehmed b. Ali, Piyâle ed-Dellâl, Osman Çelebi Reis-i sultânî.