Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 81 Hüküm no: 56 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emaneten bırakılan eşyanın teslim alındığı Mahmiye-i Galata hâricinde Kasımpaşa mahallesinde Surûrî mahallesinde sâkine Meryem Hâtun bt. Mesih tarafından husûs-ı âti’z-zikri ahz ü kabza ve kendisine îsâle şer‘an vekâleti sâbite olan kıdvetü’l-akrân Cafer Bey b. Abdullah nâm kimesne meclis-i şer‘de mahalle-i mezbûrede sâkine Kamer Hâtun bt. Osman mahzarında ikrâr ve i‘tirâf edip târih-i kitâbdan mukaddem müvekkilem mezbûre hâtun kendi eşyâsından merkūme Kamer Hâtun’a mührü ile memhûr iki sepet sandığı esbâb emânet vaz‘ etmiş idi hâlen zikr olunan mezbûr Meryem Hâtun’un mührü ile memhûr iki sepet sandığı esbâbı vekâletim hasebiyle alıp kabz edip elân makbûzumdur dediğinde mukırr-ı merkūmun vech-i meşrûh [üzre] olan ikrârını mezbûre hâtun vicâhen tasdîk ve şifâhen tahkīk ettikden sonra mâ vaka‘a gıbbe’t-taleb kayd şüd. Fi’t-târihi’l-mezbûr. Şuhûd: Ahmed b. Ali el-İmâm, Mehmed b. Abdullah, Mustafa Çelebi b. Mahmud, Hasan b. Abdullah, Mustafa b. Abdullah ve gayruhüm