Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 86 Hüküm no: 67 Orijinal metin no: [8b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Bey’in evlenmek üzere câriye satın aldığı Abaza tâifesinden olup Mahmud Bey b. İbrahim nâm kimesnenin mülk-i müşterâsı olan Fâtıma nâm câriye tarafından husûs-ı âti’z-zikre şer‘an vekâleti sâbite olan Kaytas Bey b. Abdullah meclis-i şer‘-i şerîfde mezbûr Mahmud Bey mahzarında takrîr-i kelâm edip mezbûr Mahmud Bey müvekkilem merkūme Fâtıma nâm câriyeyi Emilsaho nâm beyden kendiye nikâh etmek için iştirâ etmişdir ve asl-ı hâl mezbûr Mahmud Bey’den suâl olunmasını taleb ederin dedikde gıbbe’s-suâl mezbûr Mahmud fi’l-vâki‘ câriye-i mezbûreyi kendime nikâh etmek için iştirâ ettim dedikde ikrârı vekîl-i mezbûr talebi ile ketb ü tahrîr olunup kayd olundu. Tahrîren fi’l-yevmi’l-hâmis aşer min şehri Şevvâli’l-mükerrem sene 1005. Şuhûd: Hüseyin Bey b. Abdullah, Cafer Bey b. Abdullah, Firdevs Bey b. Abdullah, Receb Bey b. Abdullah İbrahim, Nebi b. Murad, Ali b. Abdullah, Murad b. Abdullah, Ali b. Abdullah, Murad b. Abdullah, Ali Bey b. Abdullah, Hüsrev b. Abdullah ve gayruhüm