Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 112 Hüküm no: 100 Orijinal metin no: [13a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Borca karşılık samur kürkün rehin verildiği Mahmiye-i Galata müzâfâtından kasaba-i Kasımpaşa’da Surûrî mahallesinde sâkin iken vefât eden merhûm-ı mağfûrun leh Seydi Efendi’nin sagīr oğlu Ahmed’in vasiyy-i şer‘îsi ve müteveffâ-yı mezbûrun zevcesi ve vârisesi olan Meryem Hâtun bt. Mesih Bey nâm hâtun tarafından husûs-ı âti’z-zikre vekâleti sâbite olan emîrü’l-ümerâi’l-kirâm sâbıkan Kudüs-i şerîf beyi olan Hızır Bey b. Abdüsselâm meclis-i şer‘-i şerîfede Râziye bt. Mesih Bey ve Mülâyim bt. Abdullah nâm hâtunun mahzarlarında takrîr-i kelâm edip merhûm Seydi Efendi’den müvekkilem mezbûre Meryem Hâtun’a âid olan muhallefâtdan bir samur kürk kaplı mavi sofu mezbûretân Râziye ve Mülâyim fuzûlî ahz ü kabz edip tasarruf eder vâki‘ hâl mezbûretân Râziye ve Mülâyim’e suâl olunup takrîri tahrîr olunmasın taleb ederim dedikde gıbbe’s-suâl mezbûretân ikrâr edip fi’l-vâki‘ zikr olunan bir samur kürk kaplı mavi sofu alıp hâlâ Reisoğlu demekle ma‘rûf olan Mehmed Çelebi’den karz-ı hasen bin altı yüz akçe alıp zikr olunan kürkü rehin vaz‘ eyledim deyû cevâb verdiklerinde mâ vaka‘a kayd şüd. Fi’t-târihi’l-mezbûr. Şuhûd: Ahmed Çelebi b. Kasım, Mehmed b. Hüdâverdi, Mustafa Çelebi b. Mahmud, Hasan b. Abdullah, Mustafa Reis b. Abdullah, Mehmed b. Yusuf, Ahmed b. Hüseyin