Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 116 Hüküm no: 109 Orijinal metin no: [14a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zeynebi Hatun’un miras payını ve mehrini aldığı Âti’z-zikr müteveffânın zevcesi ve vârisi olan Zeynebi Hâtun bt. Mehmed meclis-i şer‘a hâzıra olup, babası mahmiye-i Galata mahallâtından Câmi‘-i Kebîr mahallesinde vefât eden Seyyid Mehmed b. Seyyid Mehmed nâm sagīre kıbel-i şer‘den mansûb vasî olan hâmil-i hâze’l-kitâb Seyyid Mehmed b. Seyyid Mehmed nâm kimesnenin yedinden kendisine müteveffâ-yı mezbûrun muhallefâtından irs-i şer‘le intikāl eden on iki bin akçe hisse-i şer‘iyyesini ve nikâhında ma‘kūdun-aleyh olan râyicü’l-vakt on bin akçe mehr-i müeccelini kabz ve teslîm aldığını ikrâr ve i‘tirâf etti. Vâki‘ ikrâr mukarrun lehü’l-mezbûr tarafından vicâhen ve şifâhen tasdîk edildi. Cerâ zâlike [ve] hurrire fi’l-yevmi’l-âşir min şehri Ramazâni’l-mübârek sene 1005. Şuhûdü’l-hâl: Mahmud b. Abdullah, es-Seyyid Ahmed b. es-Seyyid Ebü’s-selâme, Musa b. İshak, el-Hâc Ahmed b. Abdullah, Sinan b. Abdullah ve gayruhüm