Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 156 Hüküm no: 166 Orijinal metin no: [23a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Miras payı üzerinde sulh olunduğu Budur ki Mahmiye-i Galata tevâbi‘inden Kasımpaşa’da merhûm Surûrî Efendi mahallesinde bundan akdem vefât edip verâseti li eb ve üm [kız karındaşı] Fâtıma’ya ve zevcesi Âmine bt. Mustafa’ya münhasıra olan Mustafa Reis b. Yusuf nâm müteveffânın kız karındaşı mezbûre Fâtıma mahfil-i şer‘de müteveffâ-yı merkūmun zevcesi mezkûre Âmine mahzarında ikrâr ve i‘tirâf edip müteveffâ-yı merkūm karındaşım Mustafa Reis’in ve babası merkūm Yusuf’un beynimizde ilm-i şer‘î ile ma‘lûm muhallefâtından bi hasebi’ş-şer‘ bana âid olan hisse-i şâyi‘ada merkūme Âmine ile iki bin râyicü’l-vakt fıddî akçeye sulh edip bedel-i sulh olan iki bin akçeyi mezbûre Âmine yedinden bi’t-tamâm ve’l-kemâl alıp kabz edip mezbûrân karındaşım Mustafa ve babam Yusuf’un muhallefâtına müte‘allik da‘vâdan zimmetini ibrâ-i âm ile ibrâ eyledim dedikde mukırra-i mezbûreyi ikrâr-ı meşrûhunda merkūme Âmine vicâhen ve şifâhen tasdîk ve tahkīk ettikde mâ vaka‘a kayd ü sicil olundu. Tahrîren fî evâhiri şehri Zilka‘de sene hamse ve elf. Şuhûdü’l-hâl: Ahmed b. Ali el-İmâm, Mehmed b. Hüdâverdi el-Müezzin, el-Hâc Şaban b. İvaz el-Müezzin, el-Hâc Veli b. İbrahim, Mustafa Reis [b.] Abdullah, Mehmed Reis [b.] Mustafa Reis, Hüseyin Reis [b.] Abdullah, Himmet b. Abdullah, Mehmed b. Abdullah, Ömer b. Mehmed ve gayruhüm mine’l-hâzırîn