İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 410 Hüküm no: 499 Orijinal metin no: [210-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mehmed Ataullah yerine kardeşi Mehmed Hamid’in mütevelli tayin olunması Tevliyet-i mezbûre ehliyetini ihbâr Ma‘rûz, Vârid olan fermân-ı âlîye imtisâlen işbu arzuhâle ve derkenâra nazar olundukda tevliyet-i mezkûre evlâd-ı vâkıfdan Mehmed Ataullah üzerinde olup bundan akdem fevt oldukda şart-ı vâkıf üzere karındaşı arzuhâl eden Mehmed Hamid’e intikāl edip, lâkin üzerine geçdiği mahâlline kayd ve berat olunmamağla mezbûr Mehmed Hamid şart-ı vâkıf üzere tevliyete ehil ve reşîd olduğu mürtezika-i vakıf ihbârlarıyla müte‘ayyin olmağın tevliyet-i mezkûre karındaşı mahlûlünden ber-mûceb-i şart-ı vâkıf mezbûr Mehmed Hamid’e tevcîh ve yedine berat-ı âlîşân ihsân buyrulmak ricâsına bi’l-iltimâs huzûr-ı âlîlerine i‘lâm olundu. Fî 20 min-Şevvâl sene 1179.