İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 93 Hüküm no: 50 Orijinal metin no: [24-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ramazan ayında minarelerin kandil ile süslenmesi Numara 350 İstanbul Kādılığı’na Fazîletlü efendi hazretleri Şehr-i Şa‘bân-ı şerîfin gurresi Cuma gününden sâbit olmak hasebiyle işbu Cumartesi gecesi hilâl-i Ramazan müşâhede olunur ise ferdâsı ve rü’yet olunmaz ise Pazar günü gurre-i mübâreke şehr-i Ramazan olacağını mübeyyin vârid olan i‘lâmları huzûr-ı lâmi‘u’n-nûr-ı hazret-i tâc-dârîye lede’l-arz şehr-i mezkûrun leyâlî-i mübârekesinde bi’l-cümle cevâmi‘ ve mesâcid-i şerîf minârelerinde ber-mu‘tâd îkād-ı kanâdîl ile tezyîn olunması husûsuna irâde-i seniyye-i cenâb-ı pâdişâhî müte‘allik buyurulmuş olmağın usûl-i mu‘tâdesi vechile iktizâsının icrâsına himmet olunması siyâkında tezkire-i muhibbî terkīm kılındı. Fî 27 Şa‘bân [1]286, fî 19 Teşrîn-i sânî sene [12]85.