Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 700 Hüküm no: 757 Orijinal metin no: [115b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın aralarındaki alışveriş hususunda Dimo v. Duka’nın zimmetini ibra ettiği Mahmiye-i Edirne’de Kâtib-i cev mahallesinde sâkin Mehmed b. Abdullah nâm kimesne mahmiye-i mezbûrede meclis-i şer‘-i hatîr-i lâzimü’t-tevkīrde mahmiye-i mezbûre nevâhîsinden Üsküdar nâhiyesine tâbi‘ Pınarca nâm karyede sâkin Dimo v. Duka nâm zimmî muvâcehesinde ikrâr ve takrîr-i kelâm edip mezbûr Dimo ile beynimizde nice ahz u i‘tâ vâki‘ olmuşidi hâlâ hesâb ve kitâb olundukda zimmetinde bir akçe ve bir habbe hakkım zuhûr etmeyip vechen mine’l-vücûh ve sebeben mine’l-esbâb da‘vâ ve nizâ‘ım dahi yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed b. ( ), Bayram Beşe çukadâr, İsa Bey, Ca‘fer Bey ve gayruhüm.