Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 751 Hüküm no: 841 Orijinal metin no: [132b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime bt. Derviş’in boşandığı kocası Ahmed b. İsa zimmetinde kalan para ve eşyasını alıp zimmetini ibra ettiği Mahmiye-i Edirne’de Arpacı Hamza mahallesinde sâkine Rahime bt. Derviş nâm hâtun meclis-i şer‘de zevc-i mutallıkı Ahmed b. İsa mahzarında ikrâr ve takrîr-i kelâm edip sâbıkā zevcim olan mezbûr Ahmed Çelebi zimmetinde ancak bir çit saman bahâsından dört yüz akçe ve burgu altın ve bir leğen ve bir akçe tahtası kalmışidi hâlâ zikrolunan bir çit saman bahâsından olan dört yüz akçeyi ve burgu altını ve bir leğen ve bir akçe tahtasını mezbûr Ahmed Çelebi yedinden alıp kabz edip âmme-i da‘vâ ve mutâlebâtdan ve eymân ve muhâsamâtdan merkūm Ahmed Çelebi zimmetini ibrâ ve ıskāt eyledim dedikde mukırre-i mezbûrenin vech-i muharrer üzere cârî ve sâdır olan ikrârını mezbûr Ahmed Çelebi vicâhen ve şifâhen tahkīk edicek mâ-vaka‘a bi’t-taleb ketb olundu. Fi’s-sâmin mine’l-Muharremi’l-harâm li-sene tis‘a ve sittîn ve elf. Şühûdü’l-hâl: Mustafa Efendi el-imâm, Mehmed Halîfe, Hasan b. Sinan, Mehmed Çelebi.