Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 126 Hüküm no: 137 Orijinal metin no: [21a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Abdi’nin ekmek bahasından borcu olduğu Mahrûse-i Galata’da vâki‘ Karaköykapısı’nda ekmekçi tâifesinden Bedros v. Sahat nâm zimmî meclis-i şer‘-i hatîr-i lâzımü’t-tevkīrde Ahmed b. Abdi nâm kimesne muvâcehesinde üzerine da‘vâ ve takrîr-i kelâm edip mezbûrun zimmetinde yedimden müşterâ ve makbûz olan ekmek semeninden iki bin yetmiş akçe hakkım olmağın suâl olunup alıverilmesi matlûbumdur dedikde gıbbe’l-istintak mezbûr Ahmed cevâbında fi’l-hakīka müdde‘î-i merkūm Bedros’a vech-i muharrer üzere ekmek bahâsından iki bin yetmiş akçe vâcibü’l-edâ ve lâzımü’l-kazâ deynim vardır deyü bi’t-tav‘ ikrâr u i‘tirâf etmeğin edâsına tenbîh-birle mâ-hüve’l-vâki‘ bi’t-taleb ketb ü sebt olundu. Fi’l-yevmi’l-hâmis ve’l-ışrîn min-şehri Zilka‘deti’ş-şerîfe li-sene selâse ve sittin ve elf. Şuhûdü’l-hâl: Rıdvan Beşe b. Abdullah, Mahmud Beşe Çukadâr, Mehmed Çelebi b. ( ), Ali b. ( ) ve gayruhum mine’l-huzzâr.