Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 143 Hüküm no: 160 Orijinal metin no: [25a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Nikola’nın Kara Niko’ya olan borcunu ödediği Bakkāl tâifesinden Kara Niko v. Franko nâm zimmî meclis-i şer‘-i hatîr-i lâzımü’t-tevkīrde yine tâife-i mezbûrdan işbu bâ‘isü’r-râkīm Yani v. Nikola nâm zimmî muvâcehesinde ikrâr-ı tâm ve takrîr-i kelâm edip mezbûr Yani zimmetinde cihet-i karz-ı şer‘îden yirmi üç bin akçe hakkım olup meblağ-ı mezbûr yirmi üç bin akçe hakkımı mezbûr Yani yedinden bi’t-tamam ahz u kabz edip meblağ-ı mezbûra müte‘allika mezbûrun zimmetini ibrâ-i âmm ve kātı‘u’n-nizâ‘la ibrâ ve ıskāt eyledim mezbûr Yani ile da‘vâ ve nizâ‘ım kalmamışdır, ba‘de’l-yevm mazmûn-ı kitâba muhâlif da‘vâ dahi [25b] edersem lede’l-hükkâmi’l-kirâm istimâ‘ ve ısgā olunmasın dedikde mâ-vaka‘a bi’t-taleb ketb olundu. Fi’l-yevmi’t-tâsi‘ aşer min-Zilhicceti’ş-şerîfe li-sene selâse ve sittin ve elf. Şuhûdü’l-hâl: Mehmed Beşe Çukadâr, İbrahim Çelebi b. Davud, Sarı Pîrî Ser-bölük, Rıdvan [b.] Abdullah, Kiryazi v. Dimitri, Yani v. Şiro.