Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 143 Hüküm no: 161 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Ağa’nın kölesini azat ettiği Dârü’s-saltanatü’s-seniyye Kostantıniyyeti’l-mahmiye’de bi’l-fi‘il başbakıkulu olan kıdvetü’l-emâsil ve’l-eşbâh İbrahim Ağa b. Ali tarafından i‘tâk-ı âti’l-beyânı ikrâra vekîl olup vekâleti hasm-ı câhid-i şer‘î mahzarında el-Hâc Mustafa b. Mehmed ve Ahmed Ağa b. Murad şehâdetleri ile sâbit olan Receb Bey b. Şa‘ban mahfil-i kazâda müvekkil-i mûmâ-ileyhe kendüye rıkkını mu‘terif olan orta boylu, açık kaşlı, ela gözlü, sarışın, Rusiyyü’l-asl hâmil-i hâze’l-kitâb Salih b. Abdullah nâm abd-i memlûkünü hasbeten lillâhi’l-Hallâk tahrîr ve i‘tâk ve zümre-i ahrâr-ı asliyyîne idrâc [ve] ilhâk eyledim, ba‘de’l-yevm müvekkil-i mûmâ-ileyhin mezbûr Salih üzerinde hakk-ı velâdan gayrı hakkı kalmadı dedikde vekîl-i merkūmun minvâl-i muharrer üzere sudûr eden ikrârı bi’t-taleb ketb. Şuhûdü’l-hâl: İsmail Çelebi b. Ali, Veli Çelebi b. Ali, Abdullah Bey [b.] Mehmed, Abdülbâki Bey [b.] Ahmed.