Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 152 Hüküm no: 174 Orijinal metin no: [27b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Bey, İbrahim Beşe ve İbrahim Beşe’nin alacaklarını tahsil ettikleri Mahmiye-i İstanbul’da Kesmekaya kurbünde sâkin Ali Bey b. Abdurrahman ve İbrahim Beşe b. Bali ve diğer İbrahim Beşe b. Abdurrahman nâm kimesneler mahfil-i şer‘-i şerîfde işbu sâhibü’l-kitâb Saltini v. Mosi nâm Yahûdi muvâcehesinde herbiri ikrâr-ı tâm ve bast-ı merâm kılıp mezbûr Saltini zimmetinde cihet-i karzdan yüz yirmi beş kıt‘a riyâlî guruş hakkım olup hâlâ meblağ-ı mezbûru mezbûr Saltini Yahûdi yedinden bi’t-tamam ve’l-kemâl ahz u kabz edip bir akçe ve bir habbe bâkī hakkımız kalmadı dediklerinde mukırrûn-ı mezbûrûnu vech-i muharrer üzere olan ikrârında mezbûr Saltini Yahûdi bi’l-muvâcehe tasdîk ve bi’l-müşâfehe tahkīk etmeğin mâ-vaka‘a bi’t-taleb ketb ü sebt olundu. Tahrîren fi’l-yevmi’r-râbi‘ mine’l-Muharremi’l-harâm li-sene erba‘a ve sittin ve elf. Şuhûdü’l-hâl: Mustafa Beşe b. Mehmed el-mübâşir, Şa‘ban Beşe b. Abdullah, Pîrî Beşe b. Hüseyin, İbrahim Çelebi b. Davud, Rıdvan b. Abdullah ve gayruhum.