Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 156 Hüküm no: 180 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İlyazer v. Abraham’ın bağını sattığı Mahmiye-i İstanbul’da Ohri cemâ‘atinden İlyazer v. Abraham nâm Yahûdi mahfil-i kazâda mahmiye-i mezbûrede Hoca Paşa Mahallesi’nde sâkine Velide bt. Salamon Yahûdiye tarafından ikrâr-ı âti’l-beyânı tasdîka vekîl-i <> sâbitü’l-vekâlesi olan işbu bâ‘isü’l-kitâb İsak v. Yako muvâcehesinde ikrâr-ı tâm ve takrîr-i kelâm edip silk-i mülkümde muntazam olup Üsküdar kazâsına tâbi‘ Kuzguncuk nâm karyede vâki‘ bir tarafı Mustafa Beşe bağı ve bir tarafı Teranos nâm zimmî bağı ve bir tarafı Paros bağı ve bir tarafı Aleksandire bağı ile mahdûd bir kıt‘a bağımı müvekkile-i mezbûre Velide’ye cümle tevâbi‘ ve levâhıkıyla seksen kıt‘a riyâlî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm edip ol dahi minvâl-i muharrer üzere iştirâ ve kabûl ve kabz ve tesellüm eyledikden sonra semeni olan meblağ-ı mezbûr seksen kıt‘a riyâlî guruş yedinden bi’t-tamam ahz u kabz eyledim, ba‘de’l-yevm mülk-i müşterâsı olmuşdur, keyfe mâ yeşâ’ ve yehtâr mutasarrıfe olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâdî aşer mine’l-Muharremi’l-harâm li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî Beşe b. Hüseyin, Mehmed Çelebi b. Hüseyin, Rıdvan b. Abdullah ve gayruhum.