Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 164 Hüküm no: 195 Orijinal metin no: [30a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Fazlullah Beşe’nin vefât eden el-Hâc Mehmed’e olan borcunu vârisine ödediği Mahmiye-i İstanbul’da Samanveren Mahallesi’nde sâkin iken bundan akdem vefât eden merhûm Keresteci el-Hâc Mehmed b. Abdurrahman’ın sulbî oğlu İbrahim nâm sagīrin tesviye-i umûruna vasiyy-i muhtâr olan el-Hâc Hasan b. Hüseyin mahfil-i kazâda yine keresteci tâifesinden işbu bâ‘isü’l-kitâb Fazlullah Beşe b. İbrahim mahzarında bi’l-vesâye ikrâr ve takrîr-i kelâm edip müteveffâ-i merkūm el-Hâc Mehmed hâl-i sıhhatinde mezbûr Fazlullah Beşe ile kerestecilik san‘atında şerîkler olmağla mâl-ı şirketden yüz elli beş bin ve Dilaver nâm gulâm bahâsından yedi bin akçe ki cem‘an müteveffâ-i mezbûrun yüz altmış iki bin akçe hakkı mezbûr Fazlullah Beşe yedinde bâkī kalmış idi, meblağ-ı mezbûr irsen sagīr-i merkūma intikāl etmekle zikrolunan yüz altmış iki bin akçeyi merkūm Fazlullah Beşe yedinden vesâyetim hasebiyle sagīr-i mezbûr için bi’t-tamam ve’l-kemâl ahz u kabz eyledim, mezbûr Fazlullah Beşe yedinde mârru’z--zikr yüz altmış iki bin akçeden bir akçe ve bir habbe bâkī kalmadı dedikde gıbbe’t-tasdîk ve’t-taleb mâ-vaka‘a ketb ü sebt olundu. Fi’l-yevmi’s-sâlis min-Saferi’l-hayr li-sene erba‘a ve sittin ve elf. Şuhûdü’l-hâl: el-Hâc Abdi b. Receb, Mustafa Çelebi b. Mahmud, Ali Beşe b. Mehmed, Mehmed b. Mahmud ve gayruhum mine’l-huzzâr.