Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 165 Hüküm no: 198 Orijinal metin no: [30b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe b. Hasan’ın kocası Mehmed ile anlaşarak boşandığı (muhâla‘a) Vaka‘a’l-ihtitâm fî-hâze’l-makām ketebehû el-fakīr es-Seyyid Hüseyin el-ma‘rûf bi-Vefâî -gufira zünûbühû ve sütira uyûbühû- (mühür) Medîne-i mahmiye-i Kostantıniyye mahallâtından Küçükpazar Mahallesi’nde sâkine Âişe bt. Hasan nâm hatun meclis-i şer‘-i şerîfe hâzıra olup hâmil-i hâze’l-kitâb Mehmed b. İbrahim nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt yedi yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Âişe bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’l-hâmis aşere min-Saferi’l-hayr li-sene erba‘a ve sittin ve elf. Şuhûdü’l-hâl: Hüseyin Beşe b. Hasan, Pîrî b. Hüseyin, İbrahim Çelebi b. Davud, Derviş b. Ali, Mehmed b. Pir Hüseyin ve gayruhum