Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 166 Hüküm no: 199 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Ahmed’in Mustafa Beşe tarafından kendisine emaneten verilen eşyaları geri vermesi gerektiği Zümre-i râcilînden işbu sâhibü’l-kitâb Mustafa Beşe b. Âşir mahfil-i şer‘-i şerîfde hemşirezâdesi olan Hüseyin b. Ahmed nâm kimesne muvâcehesinde üzerine da‘vâ edip mezbûr Hüseyin’e bundan akdem emânet vechi üzere on beş guruş kıymetli bir yeniçeri keçesi ve yine on beş guruş kıymetli bir yeşil dîvân dolaması ve on iki guruş kıymetli bir cezâyir dolaması ve kırk zirâ‘ âteşî kemha ve bir sim bıçak ve bir beylik çuka def‘ ve teslîm edip mezbûr Hüseyin dahi eşyâ-i mezbûreyi tesellüm ve kabz etmiş idi. Hâlâ taleb ederim suâl olunsun dedikde, gıbbe’s-suâl mezbûr Hüseyin cevâbında fi’l-hakīka eşyâ-i mezbûreyi müdde‘î-i mezbûr Mustafa Beşe vech-i mübeyyen üzere bana def‘ ve teslîm eyledi deyü bi-tav‘ihi i‘tirâf etmeğin eşyâ-i mezbûreyi müdde‘î-i mezbûr Mustafa Beşe’ye def‘ ve teslîme mezbûr Hüseyin’e tenbîh olunup mâ-vaka‘a bi’t-taleb sebt ü ketb olundu. Fi’r-râbi‘ aşer min-Saferi’l-hayr li-sene erba‘a ve sittin ve elf. Şuhûdü’l-hâl: Hüseyin Beşe b. Hasan çukadâr, Pîrî Beşe b. Hüseyin, İbrahim Çelebi b. Davud, Mehmed Çelebi b. Hüseyin, Rıdvan Beşe b. Abdullah ve gayruhum.